PROXECTO COMPETENCIAL.

UNHA NOVA MISIÓN PARA 34º DE PRIMARIA: PREPARADOS PARA DESPEGAR?

As nosas aulas están a piques de converterse nun auténtico centro de control espacial!

Este curso, desde a área de Proxecto Competencial, recibimos unha misión moi especial: investigar, descubrir, crear e aprender xuntos mentres viaxamos polo universo.

E, para comezar esta aventura, recibimos a nosa carta da misión.

Que nos conta a carta?

Na carta explicámoslles que foron seleccionados para formar parte dunha gran tripulación espacial. Ao longo do curso deberán superar diferentes retos e misións que lles permitirán prepararse para a súa viaxe polo espazo.

Non será unha viaxe na que simplemente teñamos que aprender cousas de memoria. Será unha aventura na que teremos que:

• Investigar para descubrir novas cousas.  
• Crear e buscar solucións orixinais.  
• Cooperar cos compañeiros e compañeiras.  
• Superar desafíos e aprender dos erros.

Cada reto será unha pequena misión e, cada vez que consigamos superar unha misión, deixaremos constancia dela no noso pasaporte espacial. 

Unha tripulación que aprende xunta

Nesta aventura teremos que traballar como unha verdadeira tripulación. Iso significa que será moi importante escoitar as ideas dos demais, repartir tarefas, axudarnos, tomar decisións, resolver problemas e aprender a traballar en equipo. Porque no espazo, igual que na escola, chegamos moito máis lonxe cando colaboramos.

O noso pasaporte espacial

O Pasaporte Espacial será o recordatorio de todo o que iremos conseguindo ao longo do curso. Cada misión superada terá o seu selo ou rexistro e, pouco a pouco, iremos enchendo o noso pasaporte coas experiencias, aprendizaxes e retos que consigamos superar.

Será a nosa maneira de mirar atrás e dicir:

Mira todo o que conseguimos.

Unha aventura que acaba de comezar...

Esta misión está pensada para que o alumnado sexa protagonista da súa propia aprendizaxe. Queremos que teñan curiosidade, que se fagan preguntas, que investiguen, que propoñan ideas e que descubran que aprender tamén pode ser unha auténtica aventura. E, por suposto, as familias tamén forman parte da tripulación. Acompañar, preguntar, escoitar as súas descubrimentos e animarlles cando apareza un desafío será unha estupenda maneira de formar parte desta viaxe.

Así que xa temos todo preparado...

• Centro de control: activado.
• Tripulación: preparada. 
• Pasaporte espacial: en marcha.
• Motor de aprendizaxe: a toda potencia!

Estamos preparados para despegar?