REPASO LENGUA

 

Elementos de la comunicación, an interactive worksheet by ProfeMarije
liveworksheets.com

Comunicación verbal y no verbal, an interactive worksheet by CARMENRECAS
liveworksheets.com

VISITA EXPOSICIÓN PDI

O traballo con textos de diferente tipoloxía (literarios, divulgativos, científicos, didácticos...), ou de diferente soporte (libro, audiovisual, informático...), etc. nas distintas áreas do currículo, así como a comprensión dun vocabulario específico en cada materia, contribúe a abrir a porta ao coñecemento e ao crecemento persoal. Non se debe considerar tempo perdido o que se dedica a comprender e a razoar os conceptos e as súas relacións mediante a lectura de textos, sexan estes científicos ou didácticos (enciclopedias,  monografías, páxinas web...), porque esta actividade proporciona capacidade de análise, de relación, de contextualización, de comunicación, etc., necesarias para sobrevivir nun mundo  tecnificado e cambiante. Calquera actividade da vida futura do noso alumnado pasará polo uso sistemático da súa capacidade crítica e  relacional. 

Desde e cos recursos da biblioteca escolar, a escola pode asumir a responsabilidade de ensinar ao alumnado como atopar a información, como tratala e como apropiarse dela, ao ser “o espazo organizado no que o alumnado e profesorado unha vez acordado o proxecto para realizar, establecidos os obxectivos e definidas as tarefas, busca e atopa todos os coñecementos necesarios para levar a bo termo a tarefa e produto final. É o lugar idóneo para que o alumnado aprenda a utilizar vos recursos que a sociedade da información pon ao seu alcance, adquira estratexias de procura e interpretación e, en definitiva, convértase no protagonista do seu propio proceso de aprendizaxe.

TRABALLOS DE INVESTIGACIÓN

En coordinación  e colaboración co alumado e profesorado de sexto curso imos realizar un traballo sobre distintos aspectos relacionados con estas datas. 

A traballar!

O OUTONO:

Que sabemos do outono? Cando e por que comeza e remata? Que é o equinocio? É igual en todos os sitios do noso país? E en todos os sitios do mundo, existe o outono? Por que caen as follas? Que máis ocorre no outono?...

Pescudade nestas páxinas ou noutras fontes para facer o voso cartaz sobre o outono que responda a estas e outras preguntas que vos fagades sobre a estación. Primeiramente acordade que aspectos do outono ides investigar e logo de repartide o traballo ( importante, ten que participar todo o grupo), pasade ao cartel aquilo que vexades fundamental e interesante para contestar cada cuestión que vos fagades. Coidade a presentación, letra lexible, con bo tamaño e sen faltas de ortografía, cores atractivas...

Mentres podedes poñer esta música para acompañar o voso traballo:

E para rematar vos deixamos un xogo coas palabras do outono. Só tedes que premer na seguinte imaxe.

O SAMAÍN:

Unha das tradicións festivas do outono é o Samaín. Se ides facer o cartaz sobre esta festa para dála a coñecer non teredes que esquecer falar da súa orixe, a tradición en Galicia, é o mesmo que o Halloween ou non, e haberá que falar das cucurbitaceas, non? e de como se converte unha cabaza en caveira...
 Logo de ter toda a información pasade a que vos pareza máis relevante ao voso poster sobre esta festa para colgado no corredor e que a todos os que o lean lles quede ben claro que é o SAMAÍN.

E como remate desta actividade seguro que atopades un tempiño para xogar ao tempo que comprobamos os nosos coñecementos desta estación.

OS PEÓNS:                                                      

Cada ano na nosa escola cando chega o outono as nenas e os nenos traedes peonzas para xogar no patio; mais hai un día en que facemos a festa do peón; adoita ser, se o tempo o permite, polo San Martiño, 11 de novembro,  día en que tamén facemos o magosto.

Este curso o alumnado de 5º e 6º ides responsabilizarvos de facer posters onde acheguedes información sobre as buxainas: Tipos , como se bailan, distintos nomes do xoguete e tamén nomes das súas partes, refráns ...

Poñede toda a información que consideredes importante para que tod@s vaiamos á festa do peón ben preparad@s e informad@s. Coidade a presentación!!

OS COGOMELOS:

Completaremos a nosa colección de carteis cun cartaz sobre os cogomelos, xa que agora comeza o tempo de ir ao bosque a collelos, sempre con unha persoa experta. 

Mais, que tipo de ser vivo é un cogomelo ?, cales son as súas partes? , fungos ou cogomelos? , cantos tipos coñecemos? , que debemos saber antes de ir a por cogomelos?...

Aquí vos deixamos un vídeo con información sobre o Reino dos Fungos que pode axudarvos na vosa investigación:

A pescudar!!! Veredes canto aprendemos, lembrade recoller nos vosos carteis só o máis importante e dunha maneira clara e vistosa. 

FÓSILES

A nosa compañeira Adriana trouxo un fósil que atopou nunha viaxe. Parecéume que estabades interesados no tema polo que imos coñecer máis sobre este resto da nosa historia.