Hoxe queremos compartir convosco un pequeno vídeo no que se recollen algúns dos traballos que o alumnado realizou na área de Plástica. Son creacións feitas con moita ilusión, paciencia e, sobre todo, moita imaxinación.
Un dos protagonistas é un tiburón elaborado con papel de xornal. Pero non é un tiburón calquera… é un tiburón único! Porque, igual que pasa coas persoas, non hai dous iguais. Cada neno e nena achegou o seu toque persoal: uns máis grandes, outros máis pequenos, algúns con dentes moi afiados e outros cun sorriso case simpático. Todas as creacións amosan as diferentes maneiras de ver, sentir e crear, e iso é o que fai o traballo tan especial.
No vídeo tamén se pode ver o noso traballo de clasificación das follas que o alumnado vai traendo á aula. Observámolas con lupa de expertos e aprendemos a ordenalas segundo a súa forma e segundo o seu bordo (liso, dentado, ondulado…). Así descubrimos que a natureza é moi variada e que, igual que na arte, a diversidade tamén é unha riqueza.
Agardamos que vos guste este pequeno resumo do noso traballo. Premede o play e preparádevos para ver tiburóns que non meten medo, follas moi interesantes e un montón de creatividade en acción. Iso si… advertimos que pode dar ganas de coller papel, tesoiras e poñerse a crear!
No hay comentarios:
Publicar un comentario